From Heart To Heritage With The Golecha’s – Part 2

Heart To Heritage With The Golecha’s. PC-StylePrer

Continued from my earlier post Vijay Golecha’s Journey In The Jewelry Industry on Vijay Golecha’s journey in the jewelry industry and tips for budding designers, we couldnt have missed his intense hand written poems.

Do You Know, Vijay isn’t just a jeweller. His khazana of creativity includes writing songs, poems, scripts and sketches. An “Artist” that he calls himself, he believes that it is important to understand the concept, color combinations and one should pay attention on the detailing of every jewelry. His wife, bhabhi and mother have played an important role in achieving his dreams. They handle the business with him.

I Spread My Gemstones And Designs Automatically Build In My Mind – Vijay Golecha. PC- StylePrer & Golecha’s

Kash Rishte Gehno Se Hote – Vijay Golecha

Kash rishte gehno se hote, Kash rishte gehno se hote, Sambhale hum rakhte,
Kabhi hone na dete chamak inki feeki, Har mail inka khud saaf kar dete,
Kash rishte gehno se hote.
Kitna sehej rakhte hum keemti yeh jo hote, Na khone dete hum, Dil ki tijori mein jo rakhte,
Tooth jaati inki maala jab kabhi, Hum khud hi inhe pirone ki koshish karte,
Keemat hoti nahi sirf swarna heere ki, Inse jude shan bhi inhe aur moolyawaan karte,
Jab ho jaate yeh purane, keemat ho jaati inki aur bhi jyada,
Kash rishte bhi gehno se hote,
Keemat inki kabhi ghatti nahi, Jitna sambhalte utna hi badhte,
Milte hai aajkal baajaron mein nakli kai, Hum bhi apni paar ki nazron se unhe pehchaan liya karte,
Hoti jitni baariki aur gehrai unmein, Yeh aur bhi jyada inhein moolyawaan karte,
Kash rishte bhi gehno se hote,
Kangan ki tarah haathon mein thame rehte, Toote rishte bhi hum jodh liya karte,
Parakh aur vishwas se hi hote inke saude,
Kash rishte gehno se hote, Kash rishte gehno se hote

Vijay Golecha

Family Together. PC-Google.

Baap (Dedicated To His Father ) Written By Vijay Golecha.

Ajeeb sa shabdh lagta hai baap,
Agar papa, baabuji, paa kaho toh sunne mein acha,
Par baap ek thos chattan se prateek hota hai,
Kitna antar hai shabdh maa aur baap mein,
Maa jaise koi narm, mulayaam doodh ki barfi sa lagta hai,
Aur wohi baap shabdh jaise koi mohalle ke dada ho,
Par sach mein ghar ke saath hi toh baap hi hote hai,
Maa ke aansun dikh bhi jaate hai, mamta ya dard mein,
Par baap ko kabhi rote dekha nahi maine,
Woh ladta hai hamesha hamare haq ke liye,
Thakta toh who bhi hoga,
Magar uske kandho ka bojh kabhi kam hote nahi dekha,
Magar usko jab bhi dekho, who ek sikandar sa lagta,
Bhagti, daudhti, chikti chillati si zindagi mein, Woh bhi kabhi barasta hoga,
Saavan kitne beeth gaye, magar baap ko kabhi paseene ke sivai bheegte nahi dekha,
Bohot ajeeb sa shabdh lagta hai baap, dhos chattan sa,
Bohot ajeeb sa shabdh lagta hai baap.